|   |   |  Бозбалаларымыз "Даму кубогын" Македониямен бастайды

Бозбалаларымыз "Даму кубогын" Македониямен бастайды

Бозбалаларымыз "Даму кубогын" Македониямен бастайды
Фото kff.kz сайтынан

17 жасқа дейінгі Қазақстан жасөспірімдер құрамасы Македонияда өтетін «Даму кубогына» қатысады. Бүгін – алғашқы ойын.

УЕФА туы астындағы 17 жасқа дейінгі футболшылар арасындағы халықаралық дода, яғни «Даму кубогы» биыл Македонияда өтеді. Биылғы додада Украина, Қазақстан, Македония және Люксембург бозбалалары бақ сынайды.

Александр Кузнецов жаттықтыратын Қазақстан U-17 құрамасы бүгін алғашқы ойынын алаң иелерімен өткізеді. Аталған матч Астана уақытымен 21:00-де басталады.

Жаплпы, «Даму кубогы» додасының биылғы ойын кестесі төмендегідей:

17 сәуір, жексенбі

Украина – Люксембург – 16:00

Македония – Қазақстан – 21:00

19 сәуір, сейсенбі

Украина – Қазақстан – 16:00

Македония – Люксембург – 21:00

21 сәуір, бейсенбі

Люксембург – Қазақстан –16:00

Македония – Украина – 21:00

Естеріңізге сала кетейік, 17 жасқа дейінгі Қазақстан жасөспірімдер құрамасы осы турнир қарсаңында Талғарда дайындалып, оқу-жаттығу жиынын өткізді. Бапкерлер құрамы Македонияға мына футболшыларды әзірлеген болатын:

қақпашылар – Владислав Саенко («Астана»), Данил Устименко («Қайрат»), Олег Медведев («Астана»);

қорғаушылар – Дінмұхамед Қашкен («Астана»), Нұралы Мамырбаев («Ордабасы»), Сағи Совет («Астана»), Бексұлтан Шәмші («Ордабасы»), Санжар Әйтім («Астана»), Иван Сизов (ЦСКА, Алматы), Әлім Ілиясов («Астана»);

жартылай қорғаушылар – Мәди Жақыпбаев («Астана»), Руслан Махан («Қайрат»), Арман Кеңесов («Ертіс»), Сұлтан Сағынаев («Астана»), Андрей Ульшин («Қайрат»), Жасұлан Қайыркенов («Астана»), Амал Сейітов («Еңбек», Алматы),

шабуылшылар – Еркебұлан Сейдахмет («Монтажник», Тараз), Денис Красноперов («Ертіс»), Лев Скворцов («Астана»), Марк Ким («Еңбек», Алматы).

Тізімге қайта оралу